Жердің де сұрауы бар

8338 0

Коммерциялық мақсатта берілген жерлер тиімді пайдаланылмаса мемлекет меншігіне қайтарып алынады. Бүгінгі таңда, ауданда осы бағытта қарқынды жұмыс жүргізіліп жатыр. Бұл туралы жуырда аудандық жер қатынастар бөлімінің басшысы Ізтұрған Ешниязов «М» тілшілеріне берген сұхбатында айтты.

Оның айтуынша, қазіргі күні 6364 шаршы метр коммерциалық мақсатта берілген жер тиімді пайдаланылмауының салдарынан аталған жердің иелеріне облыстық жердің пайдаланылуымен қорғалуын бақылау жөніндегі басқарамасына шара қолдану үшін құжаттар жолданған.

-Бұл коммерциялық мақсатта алынып, игерілмей отырған жерлердің негізгісі Қандыағаш қаласында. Біздің тарапымыздан жолданған құжаттар бойынша облыстық жердің пайдаланылуымен қорғалуын бақылау жөніндегі басқарамасы аталған жерлердің не себепті пайдаланылмай отырғандығын тексереді. Құқық бұзушылық анықталып жатса, жалға алған иелеріне әкімшілік құқық бұзушылық бойынша хаттама толтырады. Сондай-ақ, жерді пайдалануға алған адамға мүмкіндігіне қарай уақыт береді. Ал егер сол уақытқа дейін жерді жалға алған азамат құрылыс жұмыстарын жүргізбесе, сот арқылы мәжбүрлі түрде жер мемлекет меншігіне қайтарып алынады.  Сонымен қатар, оның жылына жалға төлейтін ақысы 10 есеге артады. Мәселен, жерді жалға алған тұлға жылына 35-40 мың теңге төлеп отырса, сол жерді тиімді пайдаланбағаны үшін сот мәжбүрлі түрде тартып алған жағдайда әлгі сомманы салық ретінде 10 еселеп төлейді. Оның бұл қаражаты мемлекеттің қазынасына түседі. Сондықтан, ол бұдан жалтара алмайды. Осыған орай, жерді коммерциялық мақсатта жалға алған адамдарға түсіндіру жұмыстарын жүргізіп жатырмыз. Себебі, әрмен қарай пайдалануға мүмкіндігі жетпейтіндігін айтып, өз еркімен кері қайтарып берсе, ол бұдан босатылады. Мұның барлығы да ескертілуде. Кейбір кәсіпкерлер өз еріктерімен қайтаруда. Ал ырыққа көнбегендерді жоғарыда атап кеткен басқармаға жібереміз. Қолға алынып жатқан іс-шаралардың барлығы Қазақстан Республикасының Жер қатынастар туралы заңының шеңберінде жүзеге асып отыр, — дейді аудандық жер қатынастар бөлімінің басшысы Ізтұрған Ешниязов.

Бұл аталған шара ауылшаруашылық мақсатында жер алып пайдаланбай отырған шаруа қожалықтарына да қолданылады. Бөлім басшысының айтуынша, биылдың өзінде 18 шаруа қожалық иелеріне тиісілі 24520 гектар жердің тиімді пайдаланылмауына байланысты тиісті құжаттар басқармаға жолданған. Оның 12-не ауылшаруашылық құрылымдарына арналған 10700 гектар жерге қатысты заң бұзушылықтар анықтауына байланысты әкімшілік хаттама толтырылып айыппұл салынды.

Әнуар ЕСҚАРА

Оқи отырыңыз

Ембіде ірі сауда орталығы ашылды

30.11.2017 0
Кеше  аудан әкімі Ербол Данағұлов Ембі қаласына барған іссапары барысында қаладағы ең ірі «АдСаНа» сауда орталығының ашылу салтанатына қатысты. 90-шы…

Такси: 800 теңге

09.01.2019 0
Мұғалжар ауданында Қандыағаш-Ақтөбе бағытына жолаушылар тасымалдайтын такси көліктерінің жолақысы 800 теңгеге қымбаттады. Күні бүгінге дейін аудан орталығынан облыс орталығана жолаушыларды…

Әйелдердің зейнетке шығу жасы артады

16.11.2017 0
Елімізде әйелдердің зейнетке шығу жасына қатысты әлі де болса түсінбеушілік байқалады. Өзгерістің сүзгісінен өтіп, мақұлданған жаңа Заң жобасының талабына сәйкес,…

Контроль за ценами по-кандыагашски

15.11.2018 0
Повышение цен на продовольственные товары всегда является актуальным и волнует без исключения все слои населения. По данным отдела предпринимательства района,…

Қандыағаштық 55 отбасы баспаналы болды

30.03.2018 0
Бүгін Мұғалжар ауданында жұмыс сапарымен болғаны Ақтөбе облысының әкімі Бердібек Сапарбаев баспана кезегінде тұрған 55 тұрғынға пәтер кілтін табыстады. Қаланың…

Пікір қалдыру

Ваш e-mail не будет опубликован. Обязательные поля помечены *