Мұғалжарлықтар Ақтөбеге барады

3295 0

Қазанның 5-і мен 6-сы күндері Ақтөбе қаласында «Туған жерім – нұрлы елім» атты Мұғалжар ауданының күндері өтеді. Облыс орталығында екі күн бойы мұғалжарлықтар бірқатар шаралар ұйымдастырады.

Аудандық ішкі саясат бөлімінің мәліметі бойынша, Ақтөбе қаласындағы аудан күндерінің бағдарламасына сәйкес, 5-і күні «Таза өлке» атты Мұғалжар жастарымен экологиялық акциясы, «Дені саудың – тәні сау» атпен келушілерге тегін медициналық қызмет көрсету, «Үміт» балалар үйінде «Жүректен жүрекке» қайырымдылық акциясы, «Жұбановтар әлемі» мәдени орталығында «Саз әлемінің сардары» байқауы, Т. Ахтанов атындағы драма театрында «Ойраны шыққан отбасы» қойылымы, Ретро-паркте «Сағындырған әндер-ай» ән-би кеші өткізіледі. Сонымен қатар, Мұғалжар ауданының әкімі Ербол Данағұлов Қ. Жұбанов университетінде білім алып жатқан мұғалжарлық жастармен кездеседі. «Тәрбие — тал бесіктен басталады» атты тақырыпта Ақтөбе қаласындағы перзентханаларда дүниеге келген нәрестелерге жасауымен 20 бесік сыйға таратылады.

Қазанның 6-сы күнінің таңы Ақтөбедегі «Табыс» коммуналдық базарында Мұғалжардың  арзандатылған бағамен ауылшаруашылық өнімдерінің жәрмеңкесімен басталады. «Бақытты бала» жобасы аясында ауданнан шыққан меценат Б. Байжарқыновтың қайырымдылық шарасымен жалғасады. Одан бөлек, аз қамтылған, жетім, көпбалалы отбасыдан шыққан балаларға Ақтөбе қаласының ең көрікті жерлерін аралауға мүмкіндік жасалады. ҚР Тұңғыш Президенті саябағында балаларға арналған түрлі шаралар және спорттық ұлттық ойын түрлерінен сайыс, Қызылорда өңірінің  мәдениетін, өнерін, салт-дәстүрін насихаттау мақсатында шара  ұйымдастырылады. Шаңырақ көтерген жас отбасыларға сый-құрмет көрсетіледі. Ал кешке сол саябақта «Мұғалжар туған байтағым» атты гала-концерт өтеді. Мерекелік концерттің қонағы болып Қазақстанның эстрада жұлдызы Ерке Есмахан қатысады.

«МҰҒАЛЖАРАҚПАРАТ»

 

 

Оқи отырыңыз

Көгілдір отын — тұрғындар қуанышы

15.11.2018 0
Еңбек ауылдық округіне қарасты Темір көпір бекетін газдандыру жұмысы аяқталды. Қазіргі таңда, ауыл тұрғындары ауылға келген көгілдір отынды үйлеріне кіргізуге…

ҚОҒАМНЫҢ ҚАУІПСІЗДІГІ – ЕЛДІҢ ТЫНЫШТЫҒЫ

19.10.2017 0
Дүрбелеңге толы дүние долданып, әлемдегі алпауыт мемлекеттер бір-бірлеріне азуларын қайрап тұрған шақта бізге бастысы бейбітшілік, бөліну емес – бірігу, алауыздық…

Қандыағаш мектебінде ІТ класс ашылды

20.09.2018 0
«Нұр Отан» партиясының «Партиялық жаңғыру» бағдарламасы аясында Қандыағаш қаласындағы №1 орта мектебінде ІТ класс ашылды. Заманға сай жабдықталған кластың ашылу…

Қараусыз бала қылмысқа ұрынады

18.10.2018 0
Бала тәрбиесіне салғырттық таныту – қоғамның айықпас дерті. Мемлекет ата-ана тарапынан кетіп жатқан өрескел қылықтарға аса мән беріп, адамдық жолдан…

Еңбектің берекелі жемісі

06.10.2017 0
Ұстаздар күні мерекесі қарсаңында, Ақтөбе облысындағы жалпы білім беретін мектеп басшылары арасында өткен кәсіби шеберлік байқауының қорытындысы бойынша Мұғалжар ауданындағы…

Пікір қалдыру

Ваш e-mail не будет опубликован. Обязательные поля помечены *