Қараусыз бала қылмысқа ұрынады

2778 0

Бала тәрбиесіне салғырттық таныту – қоғамның айықпас дерті. Мемлекет ата-ана тарапынан кетіп жатқан өрескел қылықтарға аса мән беріп, адамдық жолдан жырақ кетпеуін ұдайы қадағалап отыратындықтары да сондықтан. Себебі, «көрінген таудың алыстығы жоқ». Бала ертең өседі, ер жетеді. Ошақ қасы – отбасыдан көргенін санаға түйіп, білгенін көңілге тоқиды. Ол аз болса, көрген- білгенді ісімен дәлелдейді.

Адал менен арамның, жақсы менен жаманның аражігін ажырата алатын парасатты ұрпақты тәрбиелеу – жарық дүниені сыйлаған ата-анасының ғана парызы. Демек, бала тәрбиесіндегі ең басты тұлғаға артылған міндет пен жүктелген жауапкершіліктің орны бөлек. Мұны тамыры терең тартқан біздің текті қазақ бағзы заманнан жіті түсініп, бала тәрбиесіне айрықша назар аударып келді. Ал бүгінде тағылымды да тәлімді сол қазақы тәрбиенің мәні кері кетіп, тым ұсақталып барады. Заманды сөккен жарамас. Заман адамымен жасайды. Турасын айтсақ, ішкілікке салынған, жеңіл жолға бой алдырған үлкендердің оғаш мінезі мен келеңсіз қылығынан ғана тұратын кетешек қоғамда келешек ұрпақ қалыптасып келеді қазір. Қитұрқы тірлік түртпектеп, туған перзенттеріне салақ қарап, тозығынан арыла алмай отқандарға бүтін бір қоғам наразы. Бұл өз кезегінде мемлекет жанашырларын қатты алаңдатып отыр. Мұндай қолайсыз жағдайдың бір бұрышында Мұғалжар ауданының  ата-аналары да тұр. Бұлардың дені ащы суға құмар ата-аналар. Салдарынан, бала-шағасы қараусыз, қарындары аш, киімдері олқы-солқы.Үйлерінен береке кеткендердің әшкере болған жүгенсіз әрекеттері жуырда арнайы комиссия отырысында талқыланды. Аудан әкімі жанындағы кәмелетке толмағандардың істері және олардың құқықтарын қорғау жөніндегі комиссияның кезекті отырысында Ембі қалалық полиция бөлімінен түскен 4 материал балалардың құқықтарын қорғауға арналды. Күрмеулі мәселелерді ішкі істер қызметкерлері баяндады. Комиссия отырысына төрағалық еткен аудан әкімінің орынбасары қатысушыларға тиісті тапсырмалар берді.

-Шеттен шығып отқан ата-аналарды мұқият қарап, қадағалап отыру маңызды. Балалары мектепте оқитын болған соң, оның сана-сезіміне, мінез-құлқына кері әсерін тигізетін жағдай үйінде болып жатса да, оған мектеп пен жергілікті полиция жауап береді. Олар — ата-анадан кейінгі келесі тәрбие берушілер. Әр баланың психологиялық жағдайын үнемі тексеріп отыру шарт. Бір ауытқушылық байқалса, ондай оқушыны дереу бақылауға алу керек. Сондықтан, бала тәрбиесі мен оқу үлгеріміне жауап беретін әрбір маманға жұмыстарын жандандыруды тапсырамын, — деді аудан әкімінің орынбасары Ғалым Қобландин.

Отырыс барысында, өрімдей балаларына бас көз болар шақта керісінше безбүйректік танытқан ата-аналардың әрқайсысы қатаң жауапқа тартылды. Енді олар әрі қарай да құзіретті органдардың бақылауында болатын болды.

Алтын СҮЛЕЙМЕН

Оқи отырыңыз

ҰБТ-да тағы өзгеріс

17.01.2019 0
Биыл мектеп бітіруші түлектер жоғары оқу орындарына ақылы негізде түсу үшін ҰБТ-ны төрт мәрте тапсыра алады. Мерзіміндегі жаңа өзгерістерге сәйкес…

Сессияда 9 мәселе қаралды

31.01.2018 0
Жуырда Мұғалжар аудандық мәслихатының кезектен тыс жиырма бірінші сессиясы өтті. Оған аудандық мәслихаттың 14 депутатынан 10 депутат қатысты.  Аудандық мәслихаттың…

Жәрдемақы 5 пайызға өседі

11.01.2019 0
Мұғалжар аудандық орталық зейнетақы төлеу орталығының мәліметі бойынша  ауданда 1591 еңбекке қабілетсіз және 673 асыраушысынан айырылған жан бар. Биылдан бастап…

Жолақы: бағаны реттейтін нарық

20.12.2018 0
Келесі жылдан бастап Қандыағаш қаласындағы қалаішілік маршрут автобустарында жол жүру ақысы 60 теңгеге өседі. Жолақысының 40 теңгеден бірден 60 теңгеге…

Пікір қалдыру

Ваш e-mail не будет опубликован. Обязательные поля помечены *