«Мұғалжар» аудандық қоғамдық-саяси газеті

Мәскеу Ким Чен Ынды Екінші дүниежүзілік соғыстың 75 жылдығы медалімен марапаттады

Солтүстік Корея басшысы Ким Чен Ын Ресейдің «Ұлы Отан соғысындағы Жеңіске 75 жыл» медалімен марапатталды. Бұл хабарды Ресейдің Пхеньяндағы елшілігі таратты. Марапаттау рәсіміне Ким Чен Ынның өзі келмеген. Медаль Солтүстік Корея сыртқы істер министрі Ли Сон Гвонға тапсырылған.

Медаль «Солтүстік Кореяда қаза болған және жерленген совет жауынгерлерін мәңгі есте қалдыруға қосқан жеке үлесі үшін» және «совет жауынгерлеріне қойылған мемориалдарды сақтауға жанашырлық танытқаны үшін» берілген.

«Ұлы Отан соғысындағы Жеңіске 75 жыл» медалінің құжаты бойынша, шетел азаматтарына мұндай медаль Совет әскерінің немесе флотының құрамында, не болмаса Екінші дүниежүзілік соғысқа партизан жасақтарының құрамында соғысса ғана беріледі. Ким Чен Ынның атасы – Солтүстік Кореяның мәңгі президенті Ким Ир Сен партизан жасағында болған.

Ким Чен Ын Екінші дүниежүзілік соғыстың аяқталуына 75 жыл құрметіне мамыр айында Мәскеуде өтетін парадқа шақырылған. Оның келісім бергені немесе бермегені жайлы хабарланбаған, коронавирус індетіне байланысты парад кейінге қалдырылған.

Биыл, сәуір айында Солтүстік Корея басшысы Ким Чен Ынның жұрт алдына шықпай кеткені жайлы хабар тараған. 20 күннен кейін Корея орталық ақпарат агенттігі, 2 мамырда Ким Чен Ын Пхеньян маңындағы тыңайтқыш өндіретін зауыт ашылуына арналған салтанатты шараға қатысты деп жариялаған.

azattyq.org

Ұқсас ақпараттар

Елімізде 18 мыңнан астам адам коронавирустан емделіп жатыр

admin_mugalzhar

Ақтөбе облысы 2023 жылдың соңына дейін рекордтық 1,1 трлн теңге инвестиция тартуды жоспарлап отыр

admin_mugalzhar

Премьер-министр Әлихан Смайылов азық-түлік бағасының өсуіне байланысты әкімдерге ескерту жасады

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.