Мұғалжарда алтын фабрикасы салынады

13579 0

Мұғалжарда өндіріліп жатқан алтынның шикізат өнімі енді Ресейде емес, өзімізде өңделетін болады. Осыған байланысты, биылғы жылы ауданға қарасты Алтынды ауылында алтын фабрикасының құрылысы басталып кетті.  Бұл туралы Мұғалжар ауданының әкімі Ербол Данағұлов жұма күні ауданның кәсіпкерлері бас қосқан І бизнес фестивалінде айтып кетті. 

Қазақстанда алтын шығаратын 9 кен орны болса, соның бірі Мұғалжар ауданына қарасты Қайыңды ауылдық округінің Алтынды елді мекенінде орналасқан. Аудан басшысының айтуынша, бұған дейін бұл елді мекендегі кен орнынан шығарылған шикізат өнімдері Ресейге жөнелтіліп, сол жақтан өңделетін еді. Биылғы жылдан бастап Ақтөбе облысының әкімі Бердібек Сапарбаевтың ықпалымен шағын елді мекенде үлкен фабрика салына бастады. Қолға алынған құрылыс жұмыстары 2019 жылы аяқталады деп жоспарлануда. Оған қомақты инвестиция құйылған. Ауқымды жоба іске қосылса, 700-ге жуық жұмыс орны ашылып, ауданның салық түсімі де олжалы болмақ.

-Бұл жергілікті халықтың несібесі. Осындай ауқымды жобалар арқылы жергілікті бюджетіміз қомақтыланып, көптеген әлеуметтік мәселелеріміз шешімін табады. Жалпы қай уақытта да біз жер асты қазба байлықтарын тиімді пайдалана білуіміз керек. Мұның барлығы елдің игілігі үшін, — деді аудан әкімі Ербол Данағұлов аталмыш фестивалдің ашылу салтанатында сөйлеген сөзінде.

Әнуар ЕСҚАРА

Оқи отырыңыз

Жердің де сұрауы бар

27.10.2017 0
Коммерциялық мақсатта берілген жерлер тиімді пайдаланылмаса мемлекет меншігіне қайтарып алынады. Бүгінгі таңда, ауданда осы бағытта қарқынды жұмыс жүргізіліп жатыр. Бұл…

Электронды күнделік қолданыста

04.10.2018 0
Мектеп оқушылары енді бұрынғыдай оқулықтарымен бірге оқу үлгерімдері белгіленіп отыратын күнделік арқалап жүрмейтін болды. Технология дәуірінің талабы бұл. Әрі жаңартылған…

Жастар – қоғамның айнасы

16.11.2017 0
Сейсенбі күні Мұғалжар ауданының 20 жылдығы мен Қандыағаш қаласының 50 жылдығына орай, «Мұғалжар! Жарқын болашақ!» атты жастар және еріктілер форумы…

Білім мазмұнын жаңарту уақыт талабы

03.10.2017 0
Қандыағаш қалалық №1 орта мектебінде жаңартылған білім мазмұнына сәйкес семинар-кеңесі өтті. Білім саласындағы бақылау департаментінің өкілдері және облыстағы алдыңғы қатарлы…

Пікір қалдыру

Ваш e-mail не будет опубликован. Обязательные поля помечены *