Мұғалжар жаңалықтары

Округке әкім тағайындалды

Жуырда аудандық мәслихаттың 11 депутатының дауыс беруімен Қ.Жұбанов атындағы ауылдық округінің әкімі сайланды.

Еске сала кетейік, бұған дейін Қ.Жұбанов атындағы ауылдық округтің  әкімі қызметін атқарған Жұматай Бисеновтың басқа қызметке ауысуына байланысты бұл округке жаңа әкімді тағайындау мақсатында «Мұғалжар ауданы бойынша шығып қалған Қ.Жұбанов атындағы ауылдық округі әкімінің сайлауын белгілеу туралы» қаулысы жарияланды. Содан бастап Қ.Жұбанов атындағы ауылдық округтің әкімі қызметіне 4 үміткер ұсынылған болатын. Олар — «Орқаш-А» ЖШС-нің бас инженері және Темір орман шаруашылығының Жұрындағы бөлімшесінің орманшысы Камшат Ермағамбетов, Ақкемер ауылдық округі әкімі аппаратында қызметтегі Тимур Байжанов, Қандыағаш қалалық №4 орта мектебінің директоры Медет Шарипов, Мұғалжар ауданы әкімінің бас инспекторы Рустем Ахметов. Халық қалаулылары аталған ауылдық округ әкімінің қызметіне Камшат Ермағамбетовты лайықты деп таныды.

 Алтын СҮЛЕЙМЕН

Добавить комментарий

Ваш адрес email не будет опубликован. Обязательные поля помечены *