Ақтөбе облыстық білім басқармасының ұйымдастыруымен 8 наурыз – Халықаралық әйелдер күні мерекесіне арналған шара өтті.
Салтанатты шараға қатысқан облыс әкімінің орынбасары Бұлбұл Елеусінова өңір басшысының жылы лебізі мен құттықтауын жеткізіп, ақтөбелік көп балалы 18 ұстаз-аналарға арнайы алғыс хаттар мен гүл шоқтарын табыстады.
Іс-шара барысында басқарма басшысы Жолдас Батырхан Мұғалжар ауданының Қ.Жұбанов атындағы орта мектебінің математика пәні мұғалімі Салтанат Саринаны, Жаңатұрмыс негізгі орта мектебінің ағылшын тілі пәні мұғалімі Ақбаян Есентлеуованы, Бұлақты негізгі орта мектебінің қазақ тілі мен әдебиеті пәні мұғалімі Батыл Бержанованы облыстық білім басқармасының «Құрмет грамотасымен» марапаттады.