Мұғалжар ауданында халықты сапалы ауыз сумен қамту жұмыстары жүйелі түрде жүргізіліп келеді. Осы уақытқа дейін Батпақкөл ауылдық округіне қарасты Қожасай ауылының тұрғындары үшін ауыз су мәселесі күрделі мәселелердің бірі еді. Қазіргі таңда ауыл тұрғындары үшін облыс, аудан басшыларының қолдауымен аталған мәселе шешімін тауып, күзгі уақытта ауыл тұрғындарына ауыз су берілмек. Жалпы су құбырының ұзындығы 5,6 шақырым. Қожасай ауылына ауыз су кіргізу жұмыстарымен мердігер “СМУ ШЫҒЫС” ЖШС-і жұмыстанып жатыр. Өткен аптада аталмыш мердігер компанияның өкілдерімен облыс, ауданнан келген арнайы топ Қожасай ауылында кездесіп, жұмыстың жүру барысымен танысты.
ҚОЖАСАЙҒА АУЫЗ СУ КІРЕДІ
