Мұғалжар аудандық ауруханасының бас дәрігері болып Сәбит Қамбарұлы Кеулімжаев тағайындалды. Сәбит Қамбарұлы 1984 жылы дүниеге келген. Білімі жоғары. 2006 жылы М.Оспанов атындағы Батыс Қазақстан медицина университетін дәрігер гигиенист-эпидемиолог мамандығы бойынша бітірген.
Еңбек жолын 2006 жылы Ақтөбе облыстық санитарлық-эпидемиологиялық сараптама орталығында бастаған. Әр жылдары Әйтеке би, Алға, Мәртөк аудандық санитарлық-эпидемиологиялық сараптама орталықтарында қызмет еткен.
Осы қызметке тағайындалғанға дейін ҚР Денсаулық сақтау министрлігінің Санитариялық-эпидемиологиялық бақылау комитеті «Ұлттық сараптама орталығы» ШЖҚ РМК Ақтөбе облысы бойынша директордың орынбасары қызметін атқарып келді.