Аудан әкімі Дархан Ермағанбетов жұмыс сапарымен Ембі қаласына барды.
Сапар аясында Ақтөбе облыстық мәслихатының депутаты Наурызбек Сарбасов, Ембі қаласының әкімі Райымбек Мусағалимен бірге еңбек ардагерлері Кідірген Кенжебаевтың, Замза Мухиеваның, Айжан Саркулованың, Фердаус Валиевтің, Төкеш Бақтияровтың шаңырақтарында болды.
Ардагерлерді Жеңістің 80 жылдық мерекесімен құттықтап, Қазақстан Республикасының Президенті Қ.Тоқаевтың Жарлығымен «Ұлы Отан соғысындағы Жеңіске 80 жыл» мерейтойлық төсбелгісімен марапаттады.
Өз кезектерінде тылдағы еңбек ардагерлері мереке қарсаңында құттықтап келген аудан басшылығына алғыстарын білдірді.