Қазақстанда мобильді аударымдарға қойылатын талаптар қайта қаралуы ықтимал. Бұл туралы Кірістер комитеті хабарлады.
Қазір қолданыстағы ереже бойынша, егер аударымдар 3 ай қатарынан тұрақты түсіп, жалпы сомасы шамамен 1 млн 20 мың теңгеден асса, банктер бұл туралы салық органдарына мәлімет береді.
Алайда бұған дейін Ұлттық экономика бірінші вице-министрі Азамат Әмрин ең төменгі жалақыны 150 мың теңгеге дейін көтеру жоспары барын айтқан.
Осы өзгеріске байланысты мобильді аударымдарға қатысты шекті сома да өсуі мүмкін. Яғни қазіргі 1 млн 20 мың теңгенің орнына шамамен 1 млн 800 мың теңге деңгейінде белгіленуі ықтимал.