Қазақстанда жыл соңына дейін бірқатар құжаттар цифрландырылатын болады, деп хабарлайды Stan.kz ақпарат агенттігі.
Бұл туралы үкімет отырысы барысында цифрлық даму, инновация және аэроғарыш өнеркәсібінің бірінші вице-министрі Бағдат Мусин мәлім етті.
Атап айтқанда, пайдаланушыларды Egov-ке тіркеу бір қадамда жүзеге асырылады. Бұл пайдаланушыларға кез келген қызметке биометриялық сәйкестендіру арқылы қол қоюға мүмкіндік береді. Нәтижесінде электронды үкіметтің қызметін көбірек адамдар пайдалана алады.
- Бес жыл бойы қазақстандық ЖОО-да оқыған студенттер дипломсыз қалды
- ЭЦҚ-ны онлайн түрде қалай алуға болады
Сондай-ақ, бизнеске онлайн-коммерциялық қызметтерді дамыту үшін биометриялық құрал ұсынылатын болады.
«Азамат пайдаланушы болғаннан кейін, ол қағаз құжаттармен бірге цифрлық құжаттама қызметін қолдана алады. Жыл соңына дейін жүргізуші куәлігін, көлік құралын тіркеу туралы куәлікті, азаматтың паспортын, жоғары білім туралы дипломды, студенттік карточканы, сақтандыру полисін онлайн форматта алу жоспарланып отыр», — деді Мусин.
Аутентификация QR кодын оқу арқылы қамтамасыз етіледі.