Қайыңды ауылдық кітапханасында «Жайлау күні» аталып өтті. Шараға кітапхана оқырмандары қатысты. Қатысушылар назарына «Наурыздың символы — қызғалдақ» атты фотокөрме ұсынылды.
Ұлыстың ұлы күні — Наурыз мерекесін кеңінен насихаттауға бағытталған шарада ұмытылып бара жатқан ұлттық «бес асық», «ләңгі тебу» секілді ойындар ұйымдастырылды. Сонымен қатар күн жылып, қар еріген сәттерде сенбіліктер жасап, ағаш отырғызу, бір күндік мерекені табиғат аясында өткізу туралы мағыналы әңгімелер айтылды. Қысы қатты Мұғалжар тауының бөктерінде орналасқан ауылдың балалары көп күттірген көктемді, жасыл жайлаудың суретін тақтаға салды. Ауылдың ақ жаулықты әжелері кітапхананың табалдырығын аттап, ұлттық тағамдардан ауыз тиіп, мерекелік тілектерін айтып, баталарын берді.
Н. ТІЛЕП