13-18 қыркүйек күндері Ақтөбе қаласында бокстан 2006-2007 жылы туылған жасөспірімдер арасында ҚР Тәуелсіздігінің 30 жылдығына орай Ақтөбе облысының әуесқой бокс федерациясының кубогіне арналған жарыс өтті.
Жарысқа Қандыағаш қаласының мамандандырылған балалар-жасөспірімдер спорт мектебінің тәрбиеленушілері қатысып, жүлдемен оралды. 63 келіде сынға түскен Арман Ермекбай жеңімпаз атанса, 60 келіде жұдырықтасқан Аян Калмаганбетов ІІ орынды иеленді.
Федерация кубогінде жеңімпаз бен жүлдегер атанған Арман мен Аян Батыс Қазақстан облысы, Ақсай қаласында өтетін республикалық жарысқа жолдама алды.
Жаттықтырушылары Аманкелді Усенбаев, Еркебұлан Тұрсынбаев.
ЖАС БОКСШЫЛАР ЖҮЛДЕМЕН ОРАЛДЫ
