Ақтөбе облысының әкімі Оңдасын Оразалин өңірдің қыз-келіншектерін Халықаралық әйелдер күні – 8 Наурыз мерекесімен құттықтады.
Шараны ашқан облыс әкімі Мемлекет басшысының облыстық драма театрының әртісі Шалқия Бақытжанқызына жіберген құттықтау хатын оқып берді.
Шараға шақырылғандардың қатарында өңірдің әлеуметтік-экономикалық, қоғамдық-саяси, рухани-мәдени өміріне белсенді араласып жүрген қыз-келіншектер – көпбалалы аналар, кәсіпкер әйелдер және т.б. болды.
“Көктемнің тамаша мерекесі қарсаңында сіздермен кездескеніме қуаныштымын. Бүгінде әйелдер – отбасының ұйытқысы ғана емес, олар еңбектің барлық саласында кәсібиліктерін лайықты дәрежеде көрсетіп жүр. Сіздерге мол бақыт, отбастарыңызға амандық, қызметтеріңізге сәттілік тілеймін!”,- деді облыс әкімі.
Шара соңында әйелдер қауымына гүл шоқтары мен естелік сыйлықтар табыс етілді.
Облыс әкімінің баспасөз қызметі.