Қандыағаш қаласының білім беру ұйымдарында аудандық полиция бөлімі қызметкерлерінің қатысуымен мектептерде орта және жоғары сынып оқушылары мен ата-аналар жиналыстары өткізілуде.
Кездесулердің басты мақсаты – жасөспірімдердің құқықтық сауатын арттыру, олардың арасындағы құқық бұзушылықтардың алдын алу.
Кездесулерде жасөспірімдер арасында қылмыс пен құқық бұзушылықтың алдын-алу, кәмелетке толмағандардың бірін-бірі бопсалау, тонау, топтасып төбелесу деректерін болдырмау, білім мекемелеріне ұшты-кескіш заттарды алып келуге тыйым салу жолдары айтылды.
Оқушыларға олардың құқықтары, ата-аналарының құқықтары мен міндеттері, сонымен қатар, жасөспірімдердің әкімшілік және қылмыстық жауапкершіліктері түсіндірілді.
Бұл бағыттағы ақпараттық түсіндіру жұмыстары ауданның барлық білім ұйымдарында жалғасын табатын болады.