«АMANAT» партиясының «Бақытты бала» партиялық жобасы аясында «Жаншуақ» акциясы өтті. Акцияға орай Мұғалжар ауданының мәслихат депуттаттары мен бірқатар кәсіпкерлер және ерікті топ өкілдері Мәртөк ауданы, Жайсаң ауылында орналасқан балалар үйіне барды.
Жоба аясында жиналған қаражатқа балаларға арнайы сыйлықтар таратылды. Басты демеушілік көрсеткен «Қазақойл» акционерлік ұйымы балалар үйіне теледидар алып берді. Аудан кәсіпкерлері де жобаға өз үлестерін қосып, демеушілік көрсетті. Жалпы балалар үйінде бүгінде 97 бала тәрбиеленуде. Оның 78-і үйдің балалары. Яғни жаз және қыс мезгіліндегі демалыстарда үйлеріне баруға мүмкіндік бар. Қалған 17 бала ата-ана қамқорлығынсыз қалған болса, 2 бала ата-анасынан айырылғандар. Шара барысында спорттық ойындар да ұйымдастырылды. Керемет көңіл-күйдегі балалар шараға белсене қатысты.
З.ЕСЕНЖОЛОВ
БАЛАЛАР ҮЙІНЕ БАЗАРЛЫҚ
