Бүгін, яғни 8 шілде – Арапа күні. Бұл күні мұсылмандар бауырсақ, дәм пісіріп, Құрбан айтқа дайындалады. Биыл Құрбан айт 9-11 шілде аралығында өтеді.
Zakon.kz редакциясы Қазақстанның қалалары мен облыстарындағы намаз кестесін жариялайды.
9 шілде күні айт намазы Алматы қаласы, Талдықорған қаласы және Алматы, Ақтөбе, Атырау, Батыс Қазақстан, Жамбыл, Қарағанды, Маңғыстау облыстарында сағат 6:30-да оқылады.
Айт намазы Шымкент қаласы мен Түркістан облысында 06:40-та оқылады.
Нұр-Сұлтан, Ақмола, Солтүстік Қазақстан, Павлодар облыстарында, Семей және Өскемен қалаларының маңында айт намазы сағат 07:00-де оқылады.
Қостанай облысында айт намазы 07:30-да оқылады.
Ал Қызылорда облысында айт намазы сағат 06:00-де оқылады.