Ақтөбе облысының әкімі Е.Тоғжанов Мұғалжар ауданына іссапары кезінде күрделі жөндеу өтіп жатқан «Жұрын-Қаракөл» жол учаскесіне тоқтап, жүріп жатқан жұмыс барысын қарады. Бұл жерде облыс басшысына ауданда жол сапасын жақсарту мақсатында атқарылып жатқан жұмыстар бойынша есеп берілді. Бүгінгі таңда «Қандыағаш-Жарық» (0-15 км) жол учаскесінің 11,5 км жөнделуде. Орташа жөндеу жұмыстары жүргізіліп жатқан жолдың 4 жеріне су өткізгіш құрылғылары орнатылды. Келесі аптада 7 км жолға асфальт төсеу жұмыстары жүргізілетін болады. Жоба ауыспалы кезеңмен болғандықтан келесі жылы жолдың қалған 4,5 км асфальттанып, толық іске қосылады.
⤵️
ЖОЛ ЖӨНДЕУ ЖҰМЫСТАРЫ ЖАЛҒАСУДА
