Ақтөбе облысының дін мәселелері жөніндегі ақпараттық-түсіндіру тобының мүшелері, Аңсар ақпараттық талдау орталығының басшысы Тастанбек Разақ, теолог маманы Сапар Саматов және Мұғалжар аудандық Жастар арасындағы дін мәселелері және қоғаммен байланыс жөніндегі орталықтың басшысы Әділет Маусымов мұнайшылармен кездесті.
Күн тәртібінде «Салафизм идеологиясының көріністері» және «Әлеуметтік желінің пайдасымен қауіптілігі», «Қазақтың салт дәстүрі мен ырым тиымдары» туралы тақырыптар бойынша Жаңажол вахталық кенітіндегі «СНПС-Ақтөбемұнайгаз» АҚ, «СНПС-АТК» ЖШС, «Восток нефть и сервисное обслуживание» ЖШС, «М-Техсервис» ЖШС және «Ақтөбемұнаймаш комплект» ЖШС-гі жұмысшыларына ақпараттық жұмыстар жүргізілді.
Іс-шараның мақсаты, деструктивті діни идеялогияға қарсы иммунитет қалыптастыру, экстримизм мен тероризм көріністерінің алдын алу. Ел болашағына кесірін тигізетін түрлі діни секталардан қоғамды қорғау және қазақтың салт дәстүрін жаңғырту турасында мәліметтер берілді.
Тақырып аясында мұнай саласы қызметкерлері бір қатар сұрақтарын қойып, мамандар тарапынан тиісті жауаптарын алды.