«Мұғалжар» аудандық қоғамдық-саяси газеті

Кәсіпорындар жұмысшылардың жалақысын бере бастады

Қандыағаштағы «Базальт-А» және «Силикат-А» ЖШС-лары жұмысшыларға еңбекақыдан бережақтарын өтеп жатыр. Бұл өткен аптада Мұғалжар ауданының әкімі Ербол Данағұловтың төрағалық етуімен өткен үш жақты комиссия отырысынан кейінгі нәтиже.

Комиссия отырысында аудандағы іргелі кәсіпорындар осы уақытқа дейін жұмысшылардың жалақыларын ай сайын төлемеуіне байланысты сынға іліккен болатын. Мәселен, «Базальт-А» және «Силикат-А» жауапкершілігі шектеулі серіктестіктері тамыз, қыркүйек айларының жалақысын әлі күнге дейін өтемей келген болатын. Ал «Темір Сервис» ЖШС-і жұмысшыларына жылдың басынан бері мардымды жалақы төлемей отыр. Аталған кәсіпорындардың өкілдері мұның себебін шығарылып жатқан өнімге сұраныстың жоқтығымен түсіндіреді. Алайда, жергілікті атқарушы биліктің өкілдері онда жұмысшылар еңбек етіп жатқандықтан, олардың еңбектері ескерілу керек деген сын ескертпе берді. Жалпы заңнамаға сәйкес, аудандағы барлық мекемелер мен кәсіпорындар әр айдың 10-на дейін жұмысшылардың жалақыларын беруге міндеттеледі. Осыған сәйкес, аталған кәсіпорын басшылығына белгілі мерзімде бережақтарын өтеу ескертілді.  Өтелмеген жағдайда жергілікті атқарушы биліктің ұсынысымен олардың мәселесін прокуратура мен еңбек инспекциясы май шаммен қарайтын болады.

Аудандық жұмыспен қамту және әлеуметтік қамсыздандыру бөлімінің мәліметі бойынша, қазіргі күні «Силикат» ЖШС-і  7 282,6  мың бережағын толығымен өтеді. «Базальт» ЖШС-і  15 916,3 мың теңге бережағының 9 131,0 мың теңгесін өтеп отыр. Қалған қарызын алдағы уақытта өтемек. Жалпы кәсіпорындардың бұл бережақтары тамыз айынан бері келеді. Ал заңды түрде Ақтөбе қаласында тіркеуде тұрған «Темір сервис» ЖШС-і  мұғалжарлық 20 жұмысшысына наурыз айынан қыркүйек айына дейін жинақталған 4260,7 мың теңге бережағының 1513,9 мың теңгесін ғана өтеді. Аталған мекемелер әлі де болса қатаң бақылауда болады.

Әнуар ЕСҚАРА

Ұқсас ақпараттар

РЕСПУБЛИКАЛЫҚ ЧЕМПИОНАТҚА ЖОЛДАМА АЛДЫ

admin_mugalzhar

ТЕМІРДЕН ТҮЙІН ТҮЙГЕН АСЛАН

admin_mugalzhar

Қазақстан 2027 жылы хоккейден әлем чемпионатын өткізуге өтініш берді

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.