Облыстағы үздік экскурсовод анықталды. 21 ақпан — Дүниежүзілік экскурсия жүргізушілері күніне орай Ақтөбе облыстық тарихи-өлкетану музейінде «Үздік экскурсовод» облыстық байқауы өтті. Оған өңірдегі барлық музейден 15 адам қатысты.
Байқаудың мақсаты- аймақтағы экскурсия жүргізушілерінің кәсіби шеберлігін арттырып, мамандыққа қоғамның назарын аудару. Сонымен қатар байқауға қатысушылар осылай бір-бірімен тәжірибе алмасады.
Бұл күні облыстық тарихи-өлкетану музейіне жиналғандардың қарасы көп болды. Экскурсоводтар музейдегі жәдігерлердің көмегімен өз шеберліктерін көрсетті. Өз музейін таныстырып, қызметіндегі шеберлігін де өзгеге паш етті.
Байқау қорытындысында 15 экскурсоводтың ішінен Мұғалжар аудандық тарихи-өлкетану музейінің экскурсоводы Айжан Сералы ІІІ орынды қанжығасына байлады.
АУДАН МУЗЕЙІ ҮШТІКТЕН КӨРІНДІ
