Мұғалжар аудандық білім бөлімінің ұйымдастыруымен аудандық көшбасшылар спартакиадасы өтуде. Спартакиада ойындарына білім беру мекемелерінің және білім бөлімінің қызметкерлерінен жасақталған 4 команда қатысуда.
Спартакиаданың ашылу салтанатына аудан әкімінің орынбасары Әкімжан Есенаманов қатысып, қатысушы командаларға сәттілік тіледі. Қатысушы командалар спорттың шағын футбол, волейбол, тоғызқұмалақ, үстел теннисі, бес асық, арқан тартыс түрлерінен сынға түседі.
Екі күнге созылатын спартакиада ойындарының қорытындысы бойынша жеңімпаз бен жүлдегер атанған командалар Дипломдармен, медальдармен және бағалы сыйлықтармен марапатталады.