Мемлекет басшысының ұстаздықты «ұлы миссия» деп атауы, шын мәнінде, білім беру саласының қоғамдағы орны мен рөлін жаңа көзқараспен бағалауға мүмкіндік береді. Бұл сөздер тек қана ұстаздардың еңбекқорлығын мойындап қана қоймай, білім беру қызметінің маңызды әлеуметтік функциясын да айқындайды. Ұстаздар қоғамның ең маңызды құндылықтарының бірін, яғни адамзаттың интеллектуалдық және моральдық әлеуетін қалыптастырады. Олардың еңбегі тек білім мен дағдыларды қалыптастыруға ғана емес, сондай-ақ жастарға азаматтық жауапкершілік, әділеттілік, ізгілік сияқты қасиеттерді сіңіруге бағытталған.
Мұндай күрделі әрі жауапты міндетті атқарған ұстаздардың қоғамдық мәртебесін арттыру, олардың еңбегін бағалау — қоғамның білімге, ғылымға деген көзқарасын өзгерту үшін қажетті қадам. Бұл тұрғыда, мемлекет тарапынан ұстаздарға көрсетілетін қолдау және олардың еңбегін мемлекеттік деңгейде бағалау, оларды ынталандыру маңызды. Ұстаздарға деген құрмет тек олардың моральдық тұрғыдан ғана емес, сонымен бірге материалдық тұрғыдан да қамтамасыз етілуі керек. Бұл әсіресе, мектеп мұғалімдерінің кәсіби даярлығын жетілдіру, олардың жұмыс жағдайларын жақсарту мен әлеуметтік пакеттерін арттыру арқылы жүзеге асырылуы тиіс.
Сонымен қатар, ұстаздарды марапаттау, олардың қоғамдағы мәртебесін көтеру, болашақ ұрпақтың білімге деген қызығушылығын оятудың бір жолы болып табылады. Бұл қадам білім саласының маңыздылығын қоғамда кеңінен насихаттап, оны мемлекеттік саясаттың басым бағытына айналдыруға әсер етеді. Егер мемлекет ұстазды тек «қызметкер» ретінде қарастырып қана қоймай, оны ұлттық болашағымызды қалыптастыратын тұлға ретінде мойындаса, онда бұл білім беру саласының сапасын арттыруға, ұлттық рухты көтеруге зор ықпал етеді.
Бұл тұрғыдан алғанда, Мемлекет басшысының сөйлеген сөзі тек ұстаздарға құрмет көрсету ғана емес, білім беруді дамыту үшін қажетті әлеуметтік, мәдени және саяси реформалардың маңызды бастамасы бола алады.
Роман Рахиев, облыстық халықаралық «Қазақ тілі» қоғамының төрағасы