Мемлекет басшысы Қасым-Жомарт Тоқаевтың «Turkistan» газетінде «Қазақстан жаңғырудың жаңа кезеңіне қадам басты» атты көлемді сұхбаты жарық көрді. Президент өз сұхбатында саяси реформалар, жасанды интеллект, ұлттық экономика, әлеуметтік салаларға кеңінен тоқталды.
Келелі сұхбатта қазақ халқының басты проблемалары бүкпесіз талқыланды. Көпшілікке жағатын тұсы да осы. Ғылым-білім, жасанды интелект туралы көбірек ойлануымыз керек деді, Президент өз сөзінде. Мақалада сондай ақ, Қазақстанның әлеуметтік-экономикалық дамуы, Атом станциясының құрылысы және Қаңтар қасіреті секілді өзекті тақырыптар көтерілді.
Еңбекқорлыққа, білімпаздыққа, жаңашылдыққа ұмтылып, өмірге байсалды, байыпты қарасақ деймін. Бар күш-жігерімізді бірлік пен тірлікке жұмсайық. Сонда ғана Президент айтып отырған айрықша жылға өз үлесімізді қосамыз. Сұхбат барысында айтылған көп дүниелер әрқайсымызға сабақ болуы тиіс. Өскелең ұрпақты татулыққа, тірлікке, бірлікке тәрбиелеу жолында өз үлесімізді қосамыз деп ойлаймын.
Аманкелді Шунимов, Мұғалжар ауданының Құрметті азаматы, мемлекеттік қызметтің ардагері.
ПРЕЗИДЕНТ МАҚАЛАСЫНЫҢ МӘНІ ЖОҒАРЫ
