Жаңа Конституция жобасы қоғам мен мемлекет дамуының стратегиялық міндеттеріне сәйкес келеді.
Қазақстан Республикасының Мемлекеттік кеңесшісі Ерлан Қариннің Ақтөбе облысының тұрғындарымен өткен кездесуінде айтқан түсіндірме жұмысын тыңдадым, өте әсерлі болды. Мемлекеттік кеңесші Конституцияның тек ең жоғары заң ғана емес, сонымен бірге өзіндік қоғамдық келісім екенін атап өтті.
Қазақстанның жаңа Конституциясының жобасында еліміздің мемлекеттік құрылымын айқындайтын, егемендігі мен тәуелсіздігін нығайтатын іргелі ережелер қамтылған.
Құжатта Қазақстанның өзіндік ұлттық мәдениеті мен терең тарихы бар екені нақты көрсетілген. Сондай-ақ жаңа Конституцияда Егемендік пен Тәуелсіздік ұғымдары әрдайым бас әріппен жазылған.
Бұл сөздер – қасиетті, қастерлі ұғымдар. Ата Заңның жаңа мәтінінде де осы ұстаным сақталған.
Құрал Байсұлтанов, Мұғалжар ауданының Құрметті азаматы.