Мұғалжар ауданының коалиция мүшелері Мұғалжар аудандық мұрағаты ұжымымен ақпараттық-түсіндіру кездесуін өткізді.
Кездесу барысында Ата Заңға енгізілетін өзгерістердің мәні мен маңызы жан-жақты баяндалды. Жоба азаматтардың құқықтық қорғалуын арттыруға, мемлекеттік басқару жүйесіндегі тепе-теңдікті қамтамасыз етуге, жергілікті басқару тетіктерін жетілдіруге және әділдік қағидаттарын орнықтыруға бағытталғаны айтылды.
Жиында референдумның ел өміріндегі рөлі де кеңінен сөз болды. Бұл – әрбір азаматтың мемлекет болашағына қатысты өз ұстанымын білдіруге берілген мүмкіндік екені атап өтілді. Коалиция мүшелері жаңа Конституция жобасын қолдау — тұрақты даму мен әділетті қоғам қалыптастырудың кепілі екенін жеткізіп, барша тұрғындарды алдағы референдумда белсенділік танытуға үндеді.
КОНСТИТУЦИЯ ЖОБАСЫ ТУРАЛЫ ТҮСІНДІРУ ЖҰМЫСТАРЫ ЖҮРГІЗІЛДІ
