«Мұғалжар» аудандық қоғамдық-саяси газеті

Биыл 1 сыныпқа құжат электронды түрде қабылданады

Елімізде алдағы 1 сәуірден бастап бірінші сыныпқа бару үшін құжаттарды қабылдау басталады, деп хабарлайды Stan.kz ақпарат агенттігіне сілтеме жасаған mugalzhar.kz.

«1 сәуірден бастап бірінші сыныпқа құжаттарды қабылдау басталады. Мектепке алты жасқа толған және осы жылы 6 жасқа толатын балалар қабылданады. Құжаттар «электрондық үкімет» веб-порталы арқылы электрондық форматта қабылданады. Мектепке алдымен аймақтық қызмет көрсету бойынша өтініш білдірген үш үміткер, содан кейін ғана қызмет көрсету аумағынан тыс басқа аймақтан бір үміткер қабылданатынын айта кеткен жөн», — деді ҚР Білім және ғылыми вице-министрі Шолпан Каринова ОКҚ-де онлайн өткен баспасөз мәслихатында.

Министр орынбасарының мәлімдеуінше, білім беру ұйымдарының міндетті тізбеде көрсетілмеген құжаттарды талап етуге құқығы жоқ.

«Ата-аналар электрондық форматта өтініш, баланың туу туралы куәлігі мен медициналық паспортын, 2 фотосурет тапсырады. Болжам бойынша 2021-2022 оқу жылында бірінші сыныпқа баратын оқушылардың саны шамамен 340 мың баланы құрайды», — дейді ол.

Бұған дейін Каринова IV тоқсанда мектеп оқушыларына қандай карантиндік талаптардың қойылатыны туралы айтып берген болатын.

Ұқсас ақпараттар

Қазанда Республика күніне орай демалыс күндері ауыстырылады

admin_mugalzhar

Қазақстанда мұғалімдер кәсіби мерекесінің датасы өзгерді

admin_mugalzhar

Қазақстанның бірқатар өңірінде жел күшейіп, көктайғақ болады

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.