ХҚКО: Жаңа туған нәрестені «SMS» арқылы тіркеуге болады

4233 0

Биылғы жылдан бастап жаңа туылған баланы тіркеу, оған туу туралы куәлік алу, жәрдемақы тағайындау және баланы балабақша кезегіне қою үшін Халыққа қызмет көрсету орталығына бару шарт емес. Проактивті қағидаттың іске қосылуына байланысты енді бұл қызмет түрлерін кез келген адам ұялы телефон арқылы алуға мүмкіндігі бар.

Халыққа қызмет көрсету орталығының Қандыағаш қаласындағы бөлімінің басшысы Абзал Жалғасовтың айтуынша, «Азаматтарға арналған үкімет» мемлекеттік қызмет көрсетуді проактивті тәсілге көшіру үрдісі Премьер-министр Бақытжан Сағынтаевтың тапсырмасына сәйкес қолға алынып отыр. Бүгінгі күннен бастап дүниеге сәби алып келген ата-ана баласын тіркеу, куәлік алу, жәрдемақы тағайындау, балабақша кезегіне қою үшін кез келген қарапайым ұялы телефон арқылы 1414 нөміріне хабарлама жіберу арқылы аталған қызметтерді ала алады. Ол үшін ХҚКО орталығының бекітілген мамандары жергілікті перзентханадағы аналардың ұялы телефондарын порталдағы жеке кабинеттерінде бекітеді. Бұдан соң олардың ұялы телефондарына хабарламалар жіберіліп, бес кезең бойынша толық толтырылып болған соң аталған төрт құжатқа тапсырыс беріледі.

-Қаңтардың 3-нен бастап аталған жаңа жүйеге 11 адамды тіркедік. Алғаш рет ұялы телефон арқылы туу туралы куәлікке тапсырыс бергендерге ХҚКО Қандыағаш қаласындағы бөлімінің атынан оларға сыйлықтар берілді. Бұл дүниеге нәресте алып келген аналарға жасалып отырған жағдай. Енді олар бұрынғыдай ХҚКО келіп кезекте тұрмайды. Өздерінің ұялы телефондары арқылы мәселені шешуге мүмкіндіктері бар, — дейді орталықтың бөлім басшысы Абзал Жалғасов.

«МҰҒАЛЖАРАҚПАРАТ»

Оқи отырыңыз

Қандыағаштық 55 отбасы баспаналы болды

30.03.2018 0
Бүгін Мұғалжар ауданында жұмыс сапарымен болғаны Ақтөбе облысының әкімі Бердібек Сапарбаев баспана кезегінде тұрған 55 тұрғынға пәтер кілтін табыстады. Қаланың…

Мәжіліс депутаттары Мұғалжарда

04.04.2018 0
Бүгін Елбасы Үндеуіндегі халықтың әл-ауқатын арттыратын бес әлеуметтік бастаманы түсіндіру мақсатында облысқа келген Қазақстан Республикасының Парламенті Мәжілісінің депутаттары Мұғалжар ауданында…

Салақтыққа сабақ керек

29.08.2018 0
«Қазаннан қақпақ кетсе, иттен ұят кетеді». Мемлекет елдің кәсіпкерлік саласын дамыту үшін кәсіпкерлерге жеңілдік жасап, оларды құзіретті органдардың  жөнсіз тексеруін…

Тұмаумен ауырмаудың жолы — вакцина

09.10.2017 0
2017-2018  жылдың эпидемиологиялық маусымында А (H1N1 және H3N2) және В типті тұмау вирусының айналымы болжануда. Тұмау вирусының айналымы желтоқсан айынан…

Пікір қалдыру

Ваш e-mail не будет опубликован. Обязательные поля помечены *