«Мұғалжар» аудандық қоғамдық-саяси газеті

+997. Қазақстанда телефон коды өзгереді

Қазақстанға жаңа +997 телефон коды белгіленді. Бұл туралы цифрлық даму, инновациялар және аэроғарыш өнеркәсібі министрі Бағдат Мусин мәлімдеді, — деп хабарлайды Tengrinews.kz тілшісі.

«БҰҰ жанындағы Халықаралық электр байланыс одағы Қазақстанға жаңа +997 дэф кодын белгіледі. Енді біздің елден басқа мемлекетке қоңырау шалғанда, шетелдіктердің телефонында Қазақстан деген жазу шығады. Сондай-ақ, халықаралық деңгейдегі цифрлы сервистерді қолданғанда да, барлық жерде Қазақстан деген сигнал шығады», — делінген министр мәлімдемесінде.

Министрдің айтуынша, кезінде КСРО тарағанда, +7 халықаралық телефон коды екі елге бірдей бекітілген.

«Біз Қазақстанға ғана тиесілі халықаралық кодқа қол жеткізу үшін былтырдан бері телекоммуникация саласындағы компаниялармен бірге жан-жақты жұмыс жүргізіп келеміз. Осы келіссөздер нәтижесінде біздің елге дербес +997 коды бекітілді. Қазір тиісті құжаттар рәсімделіп, жаңа кодқа көшу бойынша іс-шаралар атқарылып жатыр», — деп түйіндеді министр.

Министрлік жоспарына сәйкес, Қазақстан 2023 жылдың қаңтарынан бастап жаңа ұлттық кодқа көшеді. Сонымен қатар, тағайындалған сәттен бастап жаңа және ескі кодтарды екі жыл қатар қолдануға болады. Толық ауысу 2025 жылдан басталады деп күтіледі.

Ұқсас ақпараттар

Мұрат Жөребеков Ақтөбе қаласының әкімі болып тағайындалды

admin_mugalzhar

МҰҒАЛЖАРЛЫҚ МҰҒАЛІМНІҢ МАРАПАТЫ

admin_mugalzhar

КТЖ: РЯД ПАССАЖИРСКИХ ПОЕЗДОВ СБИЛИСЬ С ГРАФИКА

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.