АУЫЛ ТҮЛЕКТЕРІ ТЕГІН ОҚУҒА ТҮСТІ

0
201

Батпақкөл ауылдық округінің мектеп бітірген екі түлегі “Урихтау оперейтинг” ЖШС-нің демеушілігімен жоғары оқу орнына тегін оқуға мүмкіндік алды.
Ауыл әкімі Мейрамбек Боқашев, 2019 жылдың қазан айында “Урихтау оперейтинг” ЖШС-і мен ауыл әкімдігі меморандумға отырғанын айтады. Меморандумға сәйкес, “Nur Otan” партиясының “Сəтті қадам” жобасы аясында округтің 4 оқушысына еліміздегі кез келген университеттің мұнай саласы мамандығына тегін оқуға мүмкіндік берілген.
-Ниет білдірген 4 оқушының екеуі мемлекет грантына ие болды. Ал екі оқушы Бекасыл Исаев “Электроэнергетика”, Дилназ Қойшыбай «Мұнай ісі» мамандықтары бойынша Ақтөбе қаласындағы Қ.Жұбанов атындағы университетте тегін білім алуда, – дейді ауыл әкім.