Коронавирустың ауыр формасын жұқтырудың тағы бір себебі аталды

0
194

Ұлыбританиялық ғалымдар ағзада D дәрумені жеткіліксіз болса, COVID-19 жұқтырған науқастың жағдайы ауырлауы мүмкін екенін анықтады, – деп хабарлайды РИА Новости

Дәрігерлер тобы коронавирус жұқтырғандар мен қайтыс болғандардың статистикасын зерттеді және аурудың ауыр өтуі мен науқастардың тұратын жері арасындағы байланысын анықтады. Сөйтсе D дәруменінің маусымдық жетіспеушілігі болатын аймақтарда коронавирус жұқтырғандар ауруды қиын өткерген.

“D дәруменінің жетіспеушілігі коронавирус жұқтырған науқастың жағдайы ауырлау қаупіне себеп факторды бола алады”, – деді дәрігер Гаррет Дэвис.

Сондай-ақ оның айтуынша, толық зерттеу үшін бір жылдық тұтас цикл керек. Ал коронавирус эпидемиясының басталғанына әлі 365 күн болған жоқ.

Зерттеушілер D дәруменінің ағзаға қажеттілігін атап өтті және ол ағзаға коронавирустың енбеуіне тосқауыл болып, қорғайтынын айтады.

Дэвис D дәрумені жеткілікті болса, бақылауға қиын болатын қабынумен күресу оңай болатынын да айтты.