Қазақстанда жаңа мереке бекіту ұсынылды

0
550

Қазақстан спорт жаттықтырушысы күнін ресми түрде белгілеуді ұсынды, деп хабарлайды Stan.kz ақпарат агенттігіне сілтеме жасаған  Mugalzhar.kz

“Қазақстандық спортшылар одағы” қоғамдық бірлестігі жаңа мейрамды бекітуді ұсынды.

“Біздің елде көптеген кәсіби мерекелер атап өтіледі: мұғалімдер күні, энергетиктер күні, қаржыгерлер күні т.б. Өкінішке орай, күнтізбеде әлі күнге дейін спорт жаттықтырушылары күні жоқ. Спорт қоғамдастығының атынан спорт жаттықтырушы мерекесін күтізбеге қосуды ұсынамыз”, – дейді кәсіподақтың баспасөз қызметі Азамат Қарлығашев.

Ұйымның баспасөз қызметі қазіргі уақытта мереке бейресми түрде 30 қазанда аталып өтіп жатқанын, бірақ кәсіподақ жаттықтырушылар күнін 7 сәуірде – көрнекті спортшы Қажымұқан Мұңайтпасовтың туған күнінде атап өтуді ұсынатындарын жеткізді.

“2021 жылы 7 сәуірде елде ұлы спортшының 150 жылдығы тойланады. Біз осы күні спорт жаттықтырушылары күнін атап өткеніміз дұрыс деп санаймыз”, – деді Азамат Қарлығашев.

Бұл бастаманы қазақстандық спорт ардагерлері қолдады.

“Бізде көптеген құрметті жаттықтырушылар бар. Олардың еңбегі бағаланбай жатады. Көпшілігі бүкіл әлемде біздің еліміздің абыройын асқақтатып, абыройын асқақтатқан әлем чемпиондарын тәрбиелеп шығарды. Алайда, жаттықтырушылардың өздерінің кәсіби мерекелері жоқ”, – деді бес рет КСРО бокс чемпионы болған, Қазақстан спортшылар одағының құрметті мүшесі Болат Темиров.

Қазақстан Республикасының еңбек сіңірген спорт қайраткері Садық Мұстафаев та осы пікірді ұстанады.

“Қазақстанда жаттықтырушыларға ешқандай артықшылық берілмейді. Олар көбінесе шәкірттерінің көлеңкесінде қалады. Әрине, оларға мемлекеттік деңгейде көбірек көңіл бөлу керек”, – деді Садық Мұстафаев.

Қазіргі уақытта Қазақстан спортшылар одағы президент әкімшілігі мен Мәдениет және спорт министрлігіне ұсыныстар жазылған хаттар жіберген.