«Мұғалжар» аудандық қоғамдық-саяси газеті

Қалалар карантинге жабылуы мүмкін бе?

Бүгін Президент жанындағы Орталық коммуникациялар қызметі алаңында елдегі эпидемиологиялық жағдай бойынша өткен онлайн брифинг барысында ДСМ санитарлық-эпидемиологиялық бақылау комитетінің ресми өкілі Ержан Байтанаев қандай статистика болған жағдайда қалалар карантинге жабылуы мүмкін екенін айтты.

Өздеріңіз білесіздер, 8 наурыз мерекесі кезінде көпшіліктің санитарлық нормаларға бей-жай қарауының әсеріне Нұр-Сұлтан және Алматы қалаларында науқастар саны көбейіп жатыр. Нұр-Сұлтан қаласы бойынша бас санитарлық дәрігердің қаулысына сәйкес, 18 наурыздан бастап қалада карантин талаптары күшейтіледі. Сонымен қатар, 21 наурыздан бастап әр жексенбі сайын толық локдаун енгізіледі. Мұның қанша уақытқа созылары азаматтарға тікелей байланысты. Алда Наурыз мейрамы келе жатыр. Бас санитардың қаулысында жазылған барлық нормаларды орындап, әлеуметтік арақашықтықты сақтап, масқа тағуды, антисептиктерді дұрыс пайдаланып, топтанған шараларға бармасақ, біз бұл локдауннан жылдам шығамыз, — деді ол.

Ержан Байтанаев егер жағдай ушығар болса, бұл мәселе ведомствоаралық комиссияның қарауына ұсынылатынын айтты.

Қазір мұндай мәселе қаралып жатқан жоқ барлығы өз қолымызда, — деді ол.

Айта кетейік, ол бүгінге дейін вакцинация бойынша 600-ден астам ақпарат жарияланғанын айтқан болатын.

BAQ.KZ

 

Ұқсас ақпараттар

ЖАЙДАРМАН ФЕСТИВАЛІ ӨТТІ

admin_mugalzhar

Ақтөбе өңірінде 1 061 тұрғын үйді су басты

admin_mugalzhar

В Казахстане впервые вручили педагогам госнаграду «Қазақстанның еңбек сіңірген ұстазы»

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.