ЕКПЕ САЛУ ЖҰМЫСТАРЫ ЖАЛҒАСУДА

0
256

БҮГІНГІ ТАҢДА АУДАНДА КОРОНАВИРУСҚА ҚАРСЫ ЕКПЕ САЛУ ЖҰМЫСТАРЫ ЖАЛҒАСУДА. ДӘРІГЕРЛЕРДІ АЙТУЫНША, ОСЫ УАҚЫТҚА ДЕЙІН ЕКПЕ АЛҒАНДАРДЫҢ АРАСЫНДА ЖАҒЫМСЫЗ ӘСЕР БАЙҚАЛМАҒАН.

Мұғалжар аудандық ауруханасына жеткізілген 5090 доза вакцинаның 4142- сі тұрғындарға салынған. Ал Ембі аудандық ауруханасының бас дәрігері Ерлан Бұқарбаев коронавирусқа қарсы вакциналау жұмыстарының қарқын жүріп жатқанын жеткізді. Ембі аймағы бойынша 10500 адамғаекпесалужоспарланған. Бүгінгі күнге дейін аталмыш аймаққа вакцинаның 1-ші компоненті бойынша 3530, 2-ші компоненті бойынша 3030 дозасы жеткізілген.

– Бүгінде тұрғындарға «Спутник V», «Hayat-Vax» және «QazCovid-in» вакциналары салынуда. Екпе алушылар өз еріктерімен келіп жатыр. Жеткізілген бірінші компонент бойынша 3423 адамға, екінші компонент бойынша 1878 адамға екпе салынды. Ал қалғандарына дәрігерлер кезең-кезеңімен салып жатыр, – деді Ерлан Бұқарбаев.

Н.ІЗТҰРҒАНҚЫЗЫ