Ақтөбе облысының автожолдарында 3 мыңнан астам құқық бұзушылық анықталды

0
220

Ақтөбе облысының автожолдарында үш мыңнан астам құқық бұзушылық анықталды, деп хабарлайды Polisia.kz.

Жыл басынан бері Ақтөбе облысының аумағында 252 ЖКО тіркелді, нәтижесінде 38 адам қаза тауып, 346 адам жарақат алды, оның ішінде мас жүргізушілердің кінәсінен алты ЖКО орын алды, онда бір адам қаза тауып, алты адам денсаулығына зиян келтірді.

Жол-көлік жарақатының алдын алу мақсатында 23-30 маусым аралығында полиция қызметкерлері «Қауіпсіз жол» жедел алдын алу іс-шарасын өткізуде. Осы кезеңде полиция қызметкерлері облыстың автожолдарында үш мыңнан астам құқық бұзушылықты анықтады. Олардың ішінде 35 мас жүргізуші, 374-тен астам белгіленген жылдамдықты арттыру фактісі, 35 қарсы жолаққа шығу және 63-і бағдаршамның тыйым салатын сигналына өту фактілері бар, – делінген хабарламада.

Жол қозғалысы ережелерін өрескел бұзудың барлығы жол апатына әсер етеді. Бұдан басқа, бұрын көлік құралдарын басқару құқығынан айырылған 12 жүргізуші анықталды. Полицейлер әр қайғылы жағдайға алаңдайды және әрқашан жолдардағы жол ережесін қатаң сақтауды талап етеді.

baq.kz