Облыс әкімі Оңдасын Оразалин Мұғалжар ауданына арналған жұмыс сапары аясында Жағабұлақ ауылында болды. Сапар барысында облыс әкіміне Батпақкөл ауылдық округінің әкімі Мейрамбек Бокашев «Ауыл — ел бесігі» жобасы аясында Жағабұлақ ауылының Н.Қаржаубаев, Мектеп, Жастар, Саға, Жеңіске 40 жыл көшелері жолдарына жүргізілген жөндеу жұмыстарымен таныстырды.
Жөндеу жұмыстары жүргізілген 5 көшенің жолдарына жаяу жүргіншілер үшін жолды, жол ережелеріне сәйкес еркін кесіп өтулеріне жағдай жасау мақсатында жол белгілері орнатылған.