Аудандық штаб мүшелері Роза Мусенова, Гүлзада Жұмабаева, Наурызбек Сарбасов референдумның маңыздылығын түсіндіру мақсатында, Ембі қаласында орналасқан «АдСаНа» сауда орталығында болып, референдум өткізу – демократиялық дамудың жаңа көрінісі екендігін, референдум арқылы мемлекет пен қоғамның өзара іс-қимылының жаңа жүйесіне көшу жүзеге асырылатындығын атап өтті.
Жиын барысында ел алдындағы, қоғам алдындағы жауапкершілікті сезіне отырып, референдум өткізу – саяси дамудың көрсеткіші екендігі айтылды.Сондай-ақ, елге оң өзгеріс әкелуге септігін тигізетін, еліміздің Ата заңы – Конституцияға енгізіліп жатқан түзетулерді қолдап, маңызды күні науқанға белсенді қатысуға шақырды.