Жалпыұлттық референдумды қолдау бойынша құрылған аудандық штабтың жетекшісі Төлеулі Махимов, штаб мүшелері Ғалым Дәрімбетов пен Наурызбек Сарбасов «СНПС-Ақтөбемұнайгаз» компаниясына қарасты «Ақтөбе көлік компаниясы» мекемесінің қызметкерлерімен кездесті.
Кездесу барысында штаб мүшелері мекеме қызметкерлеріне конституциялық реформаның негізгі бағыттары туралы жан-жақты түсіндіріп, маңызды деген сұрақтарға жауап берді.
Штаб мүшесі Наурызбек Сарбасов Мемлекет басшысы ұсынған конституциялық реформа еліміздің әлеуметтік-экономикалық және саяси дамуының жаңа сатысына, жаңа кезеңіне аяқ басқалы тұрғанын ерекше атап өтіп, жаппай дауыс беруге шақырды.
Кездесуде мекеме қызметкерлері бұл саяси науқанның расында ел болашағы үшін аса маңызды екенін түсінетінін жеткізіп, алдағы саяси науқанға қатысуда белсенділік танытатынын жеткізді.