Ауданда коронавирус инфекциясын жұқтырған екі жағдай тіркелді. Бұл туралы аудандық санитариялық-эпидемиологиялық бақылау басқармасының мамандары хабарлады. Олардың айтуынша, індет жұқтырған адамның екеуі де індетке қарсы екпе салдырмағандар.
Басқарма мамандары аудан тұрғындарына қолды үнемі тазалап, әлеуметтік қашықтықты сақтап жүруін, адамдар көп жиналатын жерлерде бетперде тағу секілді эпидемияға қарсы іс-шараларды қатаң сақтауға шақырды. Сонымен бірге вакцинацияның және ревакцинацияның толық курсынан өту қажеттігін ескертті.
-Вакцинация — коронавирусты инфекцияның алдын алудың бірден бір жолы. Аудан бойынша коронавирусты инфекцияға қарсы 17613 адам ревакцинацияланды. Тұрғындардың белгілі пайызы екпе қабылдаса, ұжымдық иммунитетіміз қалыптасып, ауруды жеңіп шыға аламыз, — деді бөлім басшысы Радина Иржанова.
АУДАНДА ЕКІ АДАМ КОРОНОВИРУС ЖҰҚТЫРДЫ
