11 желтоқсан күні өткен Қандыағаш қаласы әкімінің сайлауының қорытындысы бойынша Талғат Орналыұлы Өтемұратов Қандыағаш қаласының әкімі болып сайланды.
Талғат Орналыұлы 1981 жылы дүниеге келген. Білімі жоғары. Еңбек жолын 2005 жылы бастаған. 2005-2008 жылдары Мұғалжар ауданы әкімі аппаратының бас маман-заңгері, 2008-2009 жылдары Мұғалжар ауданы әкімінің көмекшісі, 2009-2010 жылдары Мұғалжар аудандық кәсіпкерлік бөлімінің басшысы қызметтерін атқарған. 2011-2013 жылдары Мұғалжар аудандық экономика, бюджеттік жоспарлау және кәсіпкерлік бөлімі басшысының орынбасары, 2013-2016 жылдары Ақкемер ауылдық округінің әкімі, 2016-2019 жылдары Мұғалжар ауданы әкімі аппаратының басшысы қызметтерін атқарды. 2019 жылдан бүгінгі күнге дейін Қандыағаш қаласының әкімі болып еңбек етті.