Қазақстан Бас прокуратурасының YouTube желісіндегі арнасында Қаңтар оқиғасына арналған «Қаңтар оқиғасы: Дерек пен дәйек» фильмі жарияланды деп хабарлады turkystan.kz.
Айта кетейік, қаңтардағы тәртіпсіздіктер кезінде 12 ұйымдасқан қылмыстық топтың белсенділік танытқаны белгілі болды. Олардың ішінде ең белсенділері – «Қазақстандық», «Айшуақ-Жантүгел» және «Дикий Арман» тобы.
«Соңғылар әртүрлі аудандардан келген 24 адамды ұрлап әкеткен. Оларды ұрып-соғып, «Қазақстан» және «Ритц-Карлтон» қонақүйлерінің тұрақтарында ұстаған», – делінген фильмдегі мәліметте.