Аудан әкімі Дархан Ермағанбетов аудан аумағында жол, құрылыс саласында жұмыс атқарып жатқан мердігер мекеме басшыларымен кездесті.
Кездесу барысында аудан әкімі аудан көлемінде атқарылып жатқан жұмыстарды пысықтады. Кездесуге қатысқан мердігер мекеме басшылары өздеріне жүктелген міндеттердің орындалуы барысы туралы баяндады.
Аудан басшысы Дархан Жанысханұлы мемлекет тарапынан бөлінген қаржының уақтылы игерілуін, жасалып жатқан жұмыстардың сапасы мен белгіленген уақытта халық игілігіне берілу керектігін және мердігерлерге келісім шарт бойынша белгіленген уақытта жұмыстарды аяқтауды тапсырды.
Барлық мердігерлерге жан-жақты қолдау көрсетілетінін жеткізген аудан әкімі жұмысты уақтылы бітіруді және тиянақты жасауды баса айтып, тиісті сала басшыларына нақты тапсырмалар жүктеді.