Латвия мемлекетінің Даугавпилс қаласында “COMBAT JUI JITSU» спорт түрінен әлем біріншілігі өтуде. Оған дүние жүзінің 500-ден аса спортшысы қатысуда. Аталмыш додаға ел намысын қорғауға барған спортшылар арасында жерлесіміз, мұғалжарлық Жандос Қалабай да бар.
93 келі салмақ нәтижесінде үндістандық, қырғыз және украин қарсыластарымен төрт кездесу өткізген ол айқын жеңіспен жеңіп, қанжығаға алтын салды.
Жеңісін қазақ еліне сыйлайтынын айтқан чемпион бапкерлері Әли Алтыбай мен Эдуарт Саламатқа ерекше алғысын жеткізді.
Еске сала кетейік, Жандос Қалабай бұған дейін Азия чемпионы атанып, дзюдодан Халықаралық дәрежедегі спорт шебері нормативтерін орындаған еді.
ЖАНДОС — ӘЛЕМ ЧЕМПИОНЫ
