Атырау қаласында жасөспірімдер арасында баскетболдан Қазақстан Республикасының кубогі ойнатылды. Аталмыш додадан қандыағаштық мектеп оқушылары жүлдемен оралды.
7-11 желтоқсан аралығында өткен жарысқа 2011-2012 жылғы мектеп оқушылары қатысты. Жарыс нәтижесі бойынша Қандыағаш қалалық №5 орта мектебінің оқушылары жүлделі ІІ орынды иеленді. Баскетбол жетекшісі Айдын Жәнібек оқушылардың жеңіске деген ұмтылыспен жақсы ойын көрсеткенін жеткізді. Ойыннан олжалы келген оқушыларды бүгін мектеп ұстаздары мен ата-аналары күтіп алып, Мұғалжар аудандық білім бөлімінің басшысы Бахраман Аманжол Алғыс хаттармен марапаттады.
ОҚУШЫЛАР ЖАРЫСТАН ЖҮЛДЕЛІ ОРАЛДЫ
