Су тасқыны кезінде пайдалануға жарамсыз болып қалған қаладағы Жем арқылы өтетін көпірде қазіргі уақытта көлік қатынасы тоқтаған.
«ҚазАвтоЖол» филиалының басшысы Айбол Данағұлдың сөзінше, 47 жыл бұрын пайдалануға берілген көпір қайта қалпына келтірілмейді. «ҚазжолҒЗИ» мекемесі мамандарының бұған қатысты шешімі де бар екен. Көпірдің жанынан жаңасы салынады. Асхат Шахаров жауапты басшыларға жолаушылар үшін айналма жол салу жұмыстарын тез арада бастауды тапсырды.