Аудан әкімі Дархан Ермағанбетов Португалия мемлекетінің Одевилаш қаласында дзюдодан жастар арасында өткен әлем чемпионатының қола жүлдегері жерлесіміз Жанарыс Рахметқали мен бапкері Талғат Рятовты қабылдады.
Аудан басшысы дүбірлі додаларда Мұғалжар ауданының, Ақтөбе облысының, Халықаралық ареналарда еліміздің абыройын асқақтатып жүрген Жанарысты жарқын жеңістерімен құттықтады.
Спортшыға мықты денсаулық, спорттық ұзақ ғұмыр тілеп, жарқын жеңістерімен аудан жастарын жігерлендіріп, биік белестерді бағындыру жолында аянбай еңбек ете беретініне сенім білдірді.
Кездесуде спортшы Жанарыс Рахметқали мен бапкері Талғат Рятовқа сый-құрмет көрсетілді.
АУДАН ӘКІМІ СПОРТШЫ ЖАНАРЫС РАХМЕТҚАЛИДІ ҚАБЫЛДАДЫ
