Сотты болып, пробация есебінде жүргендерді қоғамға қосудың басты тетігі — жұмыспен қамту. Осы орайда, ауданаумағындапробацияқызметінің есебіндетұрғандардыжұмыспенқамту үшін жүйелі жұмыстар атқарылуда.
Аудандық «Мансап» орталығының маманы Жайнагүл Аманбаеваның берген мәліметіне сүйенсек, 2024 жылы аудан бойынша пробация есебінде тұрған 27 адамды мекемелер мен кәсіпорындарға жұмысқа орналастыру жоспары бекітілген. Оның ішінде жұмыссыз ретінде 5 адам тіркелген.
-Бүгінде 5 адам квота бойынша мекемелерге жұмысқа тұрды. Сонымен қатар әлеуметтік жұмыс орнына 1 адам, ақылы қоғамдық жұмысқа 5 адам жолданды. Ал 3 адам тұрақты жұмысқа орналасса, 1 адам қысқа мерзімдік курсқа қатысып, «Электрогазсварщик» мамандығын оқып, жұмысқа орналасты, — деді орталық маманы.
Сондай-ақ ол «Мансап» орталығында бос жұмыс орындары үшін жәрмеңкенің жиі өткізіліп тұратынын, жәрмеңке кезінде жұмыстан бас тартатын азаматтардың қарасы көп екенін жеткізді.
А.МАНАСБАЕВА