Мұғалжар ауданы Құмжарған ауылдық округіне қарасты Бірлік ауылында фельдшерлік-акушерлік пункт пайдалануға берілді. Медициналық мекеменің құрылысы 2024 жылдың шілде айында басталды.
Ғимараттың ашылу салтанатына Мұғалжар ауданының әкімі Дархан Ермағанбетов, Ақтөбе облыстық денсаулық сақтау басқармасы басшысының орынбасары Мұратжан Кажгалиев қатысып. Ауыл тұрғындарын қуаныштарымен құттықтады.
Жаңа пункттің ашылуы — тек медициналық қызмет көрсету ғана емес, сонымен қатар ауылдың әлеуметтік-экономикалық дамуына да оң әсер ететін ерекше оқиға болды.
Медициналық пункт 20 келушіге арналған. Заман талабына сай құрал-жабдықтармен жабдықталған. Фельдшерлік-акушерлік пункт «Ауылдық денсаулық сақтауды жаңғырту» ұлттық жобасы аясында салынды.
Ғимараттың құрылыс жұмыстарын «Техно-С» ЖШС-і жүргізді.
Бірлік ауылында бүгінде 168 тұрғын үйде 853 адам тұрады.