19-20 сәуір күндері Ақтөбе қаласында Ұлы Отан соғысының 80 жылдығына орай және ҚР еңбегі сіңген жаттықтырушы, ҚР спорт шебері А.Джиембаевтың жүлдесіне арналған дзюдо күресінен 2009-2010 ж.т. жасөспірімдер мен қыздар арасында республикалық ашық турнир өтті.
Осы турнирге қатысқан Қандыағаш қаласының мамандандырылған балалар-жасөспірімдер спорт мектебінің тәрбиеленушілері жүлделі орындардан көрінді. Атап айтсақ, 40 келі салмақта Рузанна Төлепберген, 44 келі салмақта Әмина Боранбай және 63 келіде Ақжібек Жұмабай ІІІ орындарды иеленді.
Турнирдің қорытындысы бойынша Ақжібек Жұмабай «Спорт шеберлігіне үміткер» нормативін орындады.
ҚАНДЫАҒАШТЫҚ ҚЫЗДАР ЖҮЛДЕГЕР АТАНДЫ
